《笑傲江湖》

《笑傲江湖》和《Just Kids》才是心目中最好的愛情故事呀。

心血來潮睇第三次笑傲江湖，仍然是我最愛的金庸作品。真心，睇金庸係會廢寢忘餐的，初中時試過，大學繼續係。如果佢唔好再比啲ＸＸ家長老師鼓勵大家睇就好啦，佢地一鼓勵某啲書就即刻冇人想主動睇架喇。睇小說梗係睇故事情節同人物設定啦，唔通睇一次金庸真係會文筆會曉飛咩。睇小說最爽係你明知有勁多野要做但都忍唔住要一口氣睇完佢，跟住心情非常之愉快地趕功課。
孫興原來真係做過田伯光，我超鍾意佢架。原來佢同袁靚靚除左花木蘭之外，晌笑傲江湖都合作過。如果要我成為一個金庸角色，一定一定係令狐沖。 誠心希望睇到呢度嘅人，去睇金庸，除左書劍恩仇錄，悶到抽筋，我會形容佢為「純愛小說」，但偏偏一啲都唔浪漫，啲角色拖泥帶水。短篇都好好睇架。《倚天屠龍記》就好慘，因為比吳啟華做的張無忌入左腦，好猥褻-_________-，但有黎姿做趙敏！不過我一邊睇個腦會出現海味做周芷若，錯左版本。

唔理啦，我覺得咩書都可以唔睇，小說係一定一定要睇的。乜小說都值得睇。睇《約束的場所》時，就係話AUM信徒大部份都唔太喜歡小說呢種形式，所以缺乏想像力，甚至係無法理解世界的複雜與曖昧的矛盾關係，先至會被麻原彰晃果種簡單直接的信仰吸引左。

所以，大家一齊睇小說啦！YEH!